جدد ايمانك مع أسماء الله الحسنى............اشترك(استاذ طه شيتوس$روحاء هندسه)

السلام عليكم ورحمة الله وبركاته

　
الحمدلله والصلاة والسلام على رسول الله اما بعد:::

　
　
حاولت افكر في حاجة تزود ايماننا وتخلينا عباد لله بجد

　

مالقيتش احسن من اننا ندرس اسماء الله الحسنى

　
طب اشمعنا اسماء الله الحسنى؟؟؟

　
　
اولا لازم ياجماعة نعرف ان الايمان بيزيد بالطاعة وينقص بالمعصية

　
　
مفيش حاجة اسمها ايمان ثابت

　

لو ايمانك مش بيزيد يبقى لازم تعرف انه بينقص

　

وعشان نحافظ على ايماننا من النقصان فلازم نحاول نخليه يزيد

　
ومفيش احلى من معرفة صفات الله واسمائه عشان نعرف قد ايه بجد حب ربنا لازم يكون في قلوبنا

　
وقد ايه الله عز وجل كريم اوي بصفاته بس احنا بعاد عنه رغم كل ده

　
عارفين لو حب ربنا ملى قلوبنا؟؟؟

　

هتلاقي كل الدنيا اتغيرت قدامنا

　
حب ربنا هيغنينا عن اي حب تاني

　
واحنا لازم نحبه ونعبده عشان الله يستحق العبادة

　
　
وعشان كدة قررت انا واستاذ طه شيتوس اننا نعمل السلسة ديه ومنها نقوي ايماننا ونتعاون كلنا كاعضاء واسرة واحدة اننا نزود ايماننا

　
　
وعشان لازم نعرف ان من اكبر نعم ربنا علينا انه خلانا نعبده

　
　
من اكبر نعم ربنا انه خلانا مسلمين

　
بجد احنا مش حاسين بالنعمة ديه ولازم بجد نعرف احنا بنعبد مين؟؟؟

　
لازم نعرف قد ايه ربنا يستحق العباده

　
فحسبي أنني عبد ...................... وأنك أنت معبودي

　
　
وان شاء الله حلقتي هتنزل كل يوم خميس وحلقة الاستاذ طه كل يوم اتنين او تلات المهم في نص الاسبوع ان شاء الله

　
وان شاء الله مانطولش عليكو

　
واول حلقة انهاردة هتبقى مع اسم الله الرحمن الرحيم:::

　
الرحمن الرحيم

　
اول اسمين عارفينهم ودايما بنقولهم

　
عشان كدة ربنا خلا البسملة فيها الرحمن الرحيم

　
عشان يعرف عباده انه رحمن اوي ورحيم اوي

　
　
ربنا وصف نفسه بالرحمة وهو بيتعامل معانا بكل رحمة

　
تخيل كدة لو ربنا مش هيتعامل معانا برحمته؟؟؟

　
اعتقد كان نسفنا من الارض من اول ذنب احنا عملناه

　
ومين فينا مش بيعمل ذنوب؟؟؟

　
لكن ربنا رحمن ورحيم وربنا بيحب الرحمة وبيحب يرحم عباده لكن فين احنا من احساسنا برحمة ربنا؟؟؟

　
ليه لما بنعمل ذنب مش بنروح له ونقوله يارحيم ارحمنا

　
ازاي يكون عندك رب بالرحمة ديه وتكون في دنيتك مش عارف تعمل ايه؟؟؟

　
هتقول ايه لربنا لما يسألك ليه عمرك مادعيتني عشان ارحمك؟؟؟

　
هتقول له ايه؟؟؟

　
ماكنتش اعرف رحمتك؟؟؟ولا كنت شاكك ؟؟؟ولا ايه

　
اين انت من اسم الله الرحمن الرحيم؟؟؟؟؟

　
اين انت من رحمة الله؟؟؟

　
انظر الى كل مكان بجانبك وتعامل معه برحمة كي تستحق رحمة الله

　
عامل خلق الله برحمة كي يرحمك الله

　
يقول تعالى:"قل ياعبادي الذين أسرفوا على أنفسهم لاتقنطوا من رحمة الله ان الله يغفر الذنوب جميعا انه هو الغفور الرحيم"

　
　
ليه لسه بعيد؟؟؟

　
ليه لسه حارم نفسك من رحمة ربك؟؟؟

خلونا نفوق ونرجع لربنا

بجد خاب وخسر من خرج من رحمة الله

تخيل يوم القيامة تلاقي ناس كتيرة ربنا رحمهم وانت بعيد؟؟

تقول ليه يارب؟؟؟

هيقولك انت اللي بعدت وانت اللي عزت كدة؟؟؟

ليه مانعوزش نكون في رحمة ربنا وكل اما نعصي نروح ونطلب رحمته؟؟؟

　
خلونا نحب ربنا الرحمن اللي بيحب يرحمنا

يسلموو على الموضوع

يسلموو على الموضوع

يسلمو على الموضوع

صدقت والله يازعيم وتسلم على الموضووع الرائع

مـشـكور موضوع مرتب

تقبل مروري